Occitània Arroja

     Pr'amor de l'abséncia deu Carnaval com ac coneishem cada an - devuda a la pandemia deu COVID19 - irreductibles occitan·a·s que celebrèn un carnaval sauvatge e improvisat a Pau, lo dissabte 20 de heurèr 2021 passat. Après quauques danças davant las Halas e un passa-carrèra dinc au Tribunau, que's debanè lo procès deu Sent Pançard e la soa cremacion, dens un ambient hestiu e shens nat problèma damb las fòrças de policia.     Mentre tot aquò, l'associacion Carnaval Pantalonada ne demorava pas shens activitat. Qu'a preparat damb ÒCtele ua emission en dirècte, qui's debanarà doman, dissabte 20 de març 2021 a comptar de 19:30. Après mei d'un an de regne shens partatge deu sinistre Quarèsma, Sent Pançard e s'escaderà a tornar préner lo son tròne ?      Entà non pas mancar lo dirècte : → lo Carnaval Biarnés suu Facebook → ÒCtele suu Facebook

     Aqueth dimars 21/01/2021, mei d'un mieitat milierat de tribalhairxs de l'educacion que s'amassèn a 11:00 davant l'Inspeccion academica de Pau. Arron, que se'n son anat manifestar per las carrèras de la vila tà protestar contra las supressions d'emplecs e la non-presa en compte de l'inflacion. Tanben qu'arreïvindicavan mei bonas condicions de tribalh e la creacion d'un estatut vertadèr entà lxs Assistent·a·s d'Educacion (AEd) e lxs Acompanharxs de lxs Escolan·a·s en Situacion de Handicap (AESH).      Especiaument despuish l'arrentrada escolara, lxs tribalhairxs de l'educacion que denoncian las lors condicions de tribalh, qui's tornan cada còp mei complicadas.

Lo dissabte 10/10/2020 passat, que's debanèn a Pau accions entà dehéner la lenga occitana. A la crida deu Congrès permanent de la Lenga occitana, deu CREO, de Òc Bi Aquitània, de la Federacion Calandreta Bearn, deu CFPÒc Navèra Aquitània e de la Ciutat, que's debanè ua conferéncia de premsa a l'Ostau Bearnés a 10:30. Que s'i expausè la situacion que coneishen ara l'Occitan com las lengas nacionaus minorizadas per l'Estat jacobin e las preocupacions de lxs actor·a·s de la cultura occitana. Arron d'aquò, mei d'un cinquantenat de personas que desfilèn per las carrèras paulinas. "Per uei e doman, que volem l'Occitan", "anem : cau nhacar", que son quauques uns deus eslogans escandits per ua horra encarada au despieit de la ploja, darrèr de la bandaròla - damb un clinhet assumit - "Blanquer que m'a tuar". Mantua organizacion politica occitanista e sindicala qu'èra tanben presenta a la manifestacion.

Lo dimenge 06/09/2020, Libertat qu'organizè ua accion de solidaritat damb Palestina. Aquesta annada, l'equipa d'Israel que participa au torn ciclista franchimand. Pr'amor d'aquò, l'organizacion independentista e socialista d'Occitània qu'amiè duas accions de solidaritat damb aquesta nacion aucupada. Que pintrè messatges de solidaritat suu sòu de las carrèras corrudas peus ciclistas e qu'estó presenta lo dia de l'etapa a Pau, baish un dispositiu de susvelhança - malhurosament - abituau. Tanben que denonciè l'assassinat deu presoner politic basco Igor González Sola per la politica carcerau espanhou. En fin, qu'arreivindiquè la lenga d'Òc pertot.

Lo diluns 10/02/2020 a l'Espitau de Pau, que's debanava un conselh de susvelhança dirigit peu Màger de Pau Francés Vairon. Un trentenat de manifestant·a·s qu'èra present entà denonciar lo projècte de barrar 2 lheits sus 17 au servici d'especialitats cirurgicaus. Mentre qu'un manifestant qu'entercalhava lo F. Vairon sus l'ahar d'un elegit paulin acusat d'aver copat lo dit a un gilet gròc , lo Màger qu'arresponó çò qu'estó comprés com : "a vos, ne son pas los dits que vau copar." Edit deu 16/02/2020 : lo diari La République des Pyrénées que publiquè ger un article shens nada aute entervista ni hons que lo video de l'entercambi , afirmant que lo Francés Vairon que digó "vosautes ne son pas los dits que copatz". Menaças vertadèras o mala escota deus perpaus deu Màger de Pau ? De tota manièra, qu'ei ua posicion estonanta de las parts d'un jornau qui, atau, sembla har - a gratis - lo tribalh de pòrtavotz de l...

Lo 13/01/2020 passat, lo Macron qu'estó a Pau - entre autes - entau G5 Sahèl. Libertat qu'avèva hicat bandaròlas peus carrèrs de la vila. A 17:00, la policía qu'ataquè lo son locau de la Tor deu Borrèu, que petè la pòrta, panè materiau e detiengó sheis militant·a·s. A 18:00, ua manifestacion contra la politica de l'Estat francimand que's debanè Plaça Clemençau e que contunhè peus carrèrs paulins. En seguida de l'ataca deu son locau, l'organizacion Libertat que hasó public lo comunicat seguent : - ATTAQUE CONTRE LA TOR DEU BORRÈU ET ARRESTATION DE SIX MILITANT-E-S Aujourd'hui 13 janvier 2020, à l'occasion de la venue d'E. Macron dans le cadre du G5 Sahel, le local de Libertat "La Tor deu Borrèu" a été attaqué par la police nationale et six militant-e-s ont arrêté-e-s. À 16:00, toutes les entrées de la ville de Pau étaient verrouillées par la Gendarmerie pour laisser passer le convoi présidentiel. Pendant ce temps, à la Tor ...

Uei a Ibòs, ua accion de barratge trescolant convocada per la CGT e FO que's debanè au virolet deu peatge Tarba Oèst. L'aplec, qui s'inscriu dens l'encastre deu movement contra l'arrefòrma de l'arretirada, qu'amassè un centenat de personas a comptar de 09:30 dinc a 11:30 deu matin. La preséncia de la Gendarmeria que hasó puisheu a un peatge a gratis, accion prevista a l'origina peus sindicats.