Occitània Arroja

En français plus bas.      Après aver miat ua cauma de la hami e de la comunicacion despuish deu 9 de seteme dinc au 30 d’octobre 2020, lo presonèr politic basco Iñaki Bilbao Goikoetxea qu’anoncia ua navèra cauma - aquesta de la hami e de la set - a comptar deu 2 de noveme qui vien.      Lo 4 de seteme 2020, lo presonèr politic basco Igor Gonzalez Sola qu’èra trobat mort a la soa jaula de la preson de Martutene (Donostia, EH). En reaccion entad aquò, lo 8 de seteme, los presonèrs politics bascos Patxi Ruiz, Jon Kepa Preciado, Mikel San Sabastian e Dani Pastor qu’efectuavan ua dejoada de 24 òras “entà denonciar l’assassinat politic” deu lor camarada, en exprimir “la lor solidaritat damb la soa familha e los sons amics”.      Ja qu’agi hèit en 2017 ua auta cauma de la hami damb lo madeish objectiu - estancada après 30 dias pr’amor de la soa santat - lo 8 de seteme 2020, Iñaki Bilbao Goikoetxea “Txikito” qu’anonciè que començaré l’endedia a 00:0...

Lo dimenge 06/09/2020, Libertat qu'organizè ua accion de solidaritat damb Palestina. Aquesta annada, l'equipa d'Israel que participa au torn ciclista franchimand. Pr'amor d'aquò, l'organizacion independentista e socialista d'Occitània qu'amiè duas accions de solidaritat damb aquesta nacion aucupada. Que pintrè messatges de solidaritat suu sòu de las carrèras corrudas peus ciclistas e qu'estó presenta lo dia de l'etapa a Pau, baish un dispositiu de susvelhança - malhurosament - abituau. Tanben que denonciè l'assassinat deu presoner politic basco Igor González Sola per la politica carcerau espanhou. En fin, qu'arreivindiquè la lenga d'Òc pertot.

Lo 23/05/20 passat, militant·a·s de Libertat qu'exprimín la lor solidaritat damb lo presoner basco Patxi Ruiz, en cauma de la hami e de la set. En Français plus bas / en Castellano más abajo. Lo dissabte 23 de mai, un detzenat de militant·a·s de Libertat que s'amassèn davant lo Consolat d'Espanha a Pau. L'organizacion independentista e socialista d'Occitània qu'exprimí la soa solidaritat damb lo presoner politic Patxi Ruiz. Lo militant basco qu'entrè en cauma de la hami e de la set despuish lo 11 de mai passat, entà exigir la fin de las persecucions que pateish de las parts de l'administracion penitenciària e l'apressada de lxs presoner·a·s politic·a·s deu son lòc de residéncia . Ataca policiau a Iruñea Lo madeish dia, ua manifestacion que's debanè a Baiona , amassant de cap a 300 personas. A Iruñea tanben, mantuns centenats de militants que desfilèn per las carrèras avans d'estar atacats·das per la polícia . Sejornet a l'esp...