Entrades

Occitània Arroja — Navèth site

De cap a l'interdiccion peu grop Facebook (adara Meta) de tot ligam provenguent d'aqueste site a comptar de genèr 2019, que'ns calè trobar ua solucion entà contunhar de partatjar los nòstes articles. Que contunhèm publicar suus dus sites mes, pòc a pòc, que semblè evident que ne serviva pas entad arren de manténguer aqueste doblon. De mei, lo navèth supòrt qu'ei mei modèrne, mei personalizader, etc. De hèit, que deishèm de publicar ací mes shens jamèi har nada anoncia oficiau. Lavetz, damb aqueste (darrèr?) article, qu'ac hèm. Be'vs convidam donc ad anar suu navèth site entà contunhar de seguir las nòstas (pòcas) publicacions! ↓ clicar ací devath↓ →  LO NAVÈTH SITE  ← ↑ te l'as mancat, que't cau clicar ací dessus ↑

PAU — Manifestacion de sosteng au pòble palestinian

Imatge
      Lo dissabte passat, mei d'un centenat de personas que desfilèn peras carrèras paulinas en sosteng au pòble palestinian.     Ua setmana après lo lor purmèr acamp, militantas e militants solidaris damb lo pòble palestinian que s'amassèn un còp de mei davant la Prefectura de Pau aqueth dissabte 22 de mai 2021. Après presas de paraula au micro que desfilèn per las carrèras, dinc au Tribunau en passant peu Baloard deus Pirenèus e la Plaça Gramont.      Las e los manifestants (Associacion França-Palestina Solidaritat, Bloco Nacionalista Galego, Confederacion Generau deu Tribalh, Joentut Comunista, Libertat, Partit Comunista deus Obrèrs de França, e individus) que condemnèn las tuadèras, que s'arregaudín deu cessatz lo huec e qu'exprimín lo lor sosteng au pòble palestinian, qui paguè lo tribut mei pesant au conflicte. Presas de paraula davant la Prefectura. Suu Baloard deus Pirenèus. Au costat de la Glèisa Sent-Martin. Plaça Gramont. Fin de la manifestacion davant lo Tri

PAU — Acamp en solidaritat damb lo pòble palestinan

Imatge
    Aqueste dissabte 15/05/2021, au ras de 200 personas que s'amassèn davant la Prefectura de Pau entà manifestar la lor solidaritat damb lo pòble palestinian.     Un acamp de quasi 200 personas que's debanè aqueste dissabte 15 de mai 2021 davant la Prefectura de Pau, a comptar de 11:00 deu matin. Militants e militantas de divèrsas organizacions – tau com Libertat, lo Partit Comunista deus Obrèrs de França (PCOF), lo Partit Comunista Francés (PCF) o l'Associacion França-Palestina Solidaritat (AFPS) – que prononcièn discors peu torn de duas òras. L'acamp qu'èra susvelhat per – au mens – sheis forgons de polícia e numerós agents.     Los e las manifestantas que denonciavan lo genocidi deu pòble palestinian.     Que condemnavan la detencion deu president de l'AFPS, l'illegalizacion de manifestacions entà Palestina en l'Estat francés, "damb lo pretèxte de lutar contra las ideas anti-republicanas e contra l'antisemitisme", en brembant que n'

MONTANÈR — Ua peticion contra la privatizacion deu castèth

Imatge
     Ciutadan·a·s deu Montanerés que's mobilizan contra lo perilh de privatizacion de la sèrra deu castèth.      "Ciutadans deu Montanerés e deus entorns" que hiquèn en linha ua peticion  (en francés) contra "l'integracion d'un prestatari privat entà la gestion deu castèth de Montanèr". Lo collectiu qu'averteish suu perilh qu'aquesta decision deu Conselh Departamentau "hiqui en question lo dret d'accès au lòc".      En la peticion, en mei de brembar las multiples utilizacions d'aqueth lòc ("eveniments culturaus, esportius e conviviaus"), qu'exprimeishen la lor incomprehencion de cap ad aquesta decision – presa en "l'abséncia d'informacion e de concertacion", e que demandan "l'arretirada deu projècte de Delegacion de Servici Public e l'engatjament d'un projècte damb lo territòri".     La peticion qu'ei dejà passada davant las 500 signaturas.

PAU - Carnaval per las carrèras e a la tele [VIDEO]

Imatge
     Pr'amor de l'abséncia deu Carnaval com ac coneishem cada an - devuda a la pandemia deu COVID19 - irreductibles occitan·a·s que celebrèn un carnaval sauvatge e improvisat a Pau, lo dissabte 20 de heurèr 2021 passat. Après quauques danças davant las Halas e un passa-carrèra dinc au Tribunau, que's debanè lo procès deu Sent Pançard e la soa cremacion, dens un ambient hestiu e shens nat problèma damb las fòrças de policia.     Mentre tot aquò, l'associacion Carnaval Pantalonada ne demorava pas shens activitat. Qu'a preparat damb ÒCtele ua emission en dirècte, qui's debanarà doman, dissabte 20 de març 2021 a comptar de 19:30. Après mei d'un an de regne shens partatge deu sinistre Quarèsma, Sent Pançard e s'escaderà a tornar préner lo son tròne ?      Entà non pas mancar lo dirècte : → lo Carnaval Biarnés suu Facebook → ÒCtele suu Facebook

MEMÒRIA ISTORICA - 150 ans a, la Comuna de Paris

Imatge
    Dens un contèxte de tensions entre la classa tribalhaira e la borguesia, la des·hèita militara de l'Estat francés contra l'alemand qu'ac tot en·hueca. Lo 18 de març 1871, lo pòble parisenc que's susmauta e que declara la Comuna de Paris. Aquesta insurreccion que ganha autes lòcs de l'Exagòne : lo 22 de març 1871, la Comuna qu'ei declarada peu pòble marselhés. Mes lo govèrn versalhés deu Partit de l'Òrdi que massacra los e las arrevolucionàrias au cors de la Setmana Sagnosa, deu 21 au 28 de mai 1871.     150 ans après, lo capitalisme que contunha a semiar la misèria e la mort. E las arreïvindicacions deus e las comunardas que demòran - mei que jamei - d'actualitat.

PAÏSOS CATALANS - Pablo Hasél qu'estó detienut uei matin

Imatge
"Qu'avó un hòrt movement de sosteng, aquestes dias."     Los Mossos d'Esquadra que detienón lo rapaire comunista catalan Pablo Hasél, uei matin a l'Universitat de Lleida (PPCC). Qu'i èra embarrat entà "non pas facilitar" la soa detencion. Qu'avèva estat condemnat a 2 ans e 9 mes de preson per "apologia deu terrorisme" e "injúrias a la corona".     Aus Països Catalans, mes tanben a d'autas nacions - com Euskal Herria - qu'avó un hòrt movement de sosteng, aquestes dias, damb mantua manifestacion. Aulhors suu Internet : Vilaweb , El Nacional .

PAU - Manifestacion de lxs tribalhairxs de l'educacion [VIDEO]

Imatge
     Aqueth dimars 21/01/2021, mei d'un mieitat milierat de tribalhairxs de l'educacion que s'amassèn a 11:00 davant l'Inspeccion academica de Pau. Arron, que se'n son anat manifestar per las carrèras de la vila tà protestar contra las supressions d'emplecs e la non-presa en compte de l'inflacion. Tanben qu'arreïvindicavan mei bonas condicions de tribalh e la creacion d'un estatut vertadèr entà lxs Assistent·a·s d'Educacion (AEd) e lxs Acompanharxs de lxs Escolan·a·s en Situacion de Handicap (AESH).      Especiaument despuish l'arrentrada escolara, lxs tribalhairxs de l'educacion que denoncian las lors condicions de tribalh, qui's tornan cada còp mei complicadas.

ARRIBÈRA DE LAC - Entervista d'un obrèr militant sus la cauma a Toray

Imatge
    [En français plus bas.]      Despuish lo 15 d'octobre 2020, los e las tribalhaires de las usinas Toray de l'Arribèra de Lac que son en cauma contra un "plan de sauvaguarda de l’emplec". Entà tornar sus aquera mobilizacion, Occitània Arroja qu'entervista un obrèr militant : Sébastien Doré. Qu’ei lo secretari de la CGT a Toray e elegit CSE (Comitat Sociau e Economic) despuish dus an e miei. Per avança, qu’èra elegit delegat deu personau e representant sindicau au CE (comitat d’enterpresa).      1) Quaus son las rasons qui dèn l’aviada a la mobilisacion de las usinas Toray d’Avidòs e de Lac ?      Lo 15/10/20, la direccion que ns’anonciè un PDV (plan de desmetuda volontària) ligada a un PSE (plan de sauveguarda de l'emplec). Tant vau díser que se n'i a pas pro de desmetudas volontàrias, que causirén d’anar de cap a un PSE. Que pertòca 29 personas, en bèth sàber que deu començar de l’annadale enlà, qu’avem avut 13 desmetudas volontàrias qui ne son pas esta

FAKE NEWS - Un diari locau qu'enterra lo Carnaval Biarnés

Imatge
     Dens un article , lo diari paulin  La République des Pyrénées  qu'a anonciat l'anullacion deu Carnaval Biarnés 2021. L'associacion Carnaval Pantalonada que s'ei vist obligada de desmentir damb un comunicat .      Çò que s'ei passat aus locaus deu grop Pyrénées Presse  ? Qu'ei la question que s'an pausat uei lxs sòci·a·s de l'associacion Carnaval Pantalonada. En efèit, aqueste dimars 19/01/21, un article escrivut per Mireille Dudun qu'ei estat publicat suu site deu diari La République des Pyrénées , en titolar que " lo 35au Carnaval Biarnés [qu'èra] anullat ". Tanben que's podèva trobar aqueste article dens l'edicion papèr deu dimècres 20/01/21 (véder l'imatge a la fin de l'article).     En véder aquesta fake new , lxs sòci·a·s deu Carnaval Biarnés que's son vist obligats a arrespóner damb un comunicat de premsa, publicat sus la soa pagina Facebook : " non devem pas redusir Carnaval a 4 dias de hèsta popula