PAU - Estat de sièti entau G5 Sahèl

Lo 13/01/20, lo barri deu Castèth que sofrirà d'un estat de sièti pr'amor deu G5 Sahèl.

La Prefectura de Pau que comuniquè ger lo "perimètre de seguretat" entau G5 Sahèl, on serà present lo E. Macron. Aquesta que hasó publicas - per un comunicat suu son site oficiau - "totas las disposicions necessàrias a la preservacion de l'òrdi public [...] entà garantir ua seguretat optimau tant entà las delegacions hòravengudas, lxs jornalistas e lxs demorairxs de Pau." Més concretament, lo barri paulin deu Castèth que serà baish estat de sièti lo diluns 13 de genèr de 2020, a comptar de 12:00 dinc a 00:00.

Duas zònas de contròle

Ua "zòna arroja d'entrada arreservada" que serà botada de 12:00 a 00:00 aus abòrds deu Castèth e deu Parlament de Navarra. Qu'i poiràn entrar a pè, e damb un justificatiu, sonque lxs demorairxs, tribalhairxs de la zòna, jornalistas acreditats·das e sòcixs de las delegacions oficiaus. Los autos que seràn proscrivuts, en circulacion com estacionats, los comèrcis ne poiràn pas desplegar la lors terrassa.

Ua "zòna blau d'entrada controlada" que serà botada de 14:00 a 00:00 entre las carrèras Joffre, St Lois - Plaça Reiau, Baloard deus Pirenèus. Totxs qu'i poiràn entrar a pè après un contròle policiau. La circulacion deus autos que serà proscrivuda.

Los perimètres d'aquestas zònas que poiràn estar adaptats segon l'evolucion de l'organizacion deu G5.

Ua manifestacion, convocada per mantuas organizacions sindicalas e politicas, que's debanarà lo 13/01/20 a 18:00 davant la Prefectura. La venguda a Pau deu E. Macron que contunharà lo dimarç 14 de genèr, damb la post-inauguracion deu BHNS (bus a haut nivèu de servici) "Febus".

Mapa deus perimètres de seguretat botats per la Prefectura.
© Crèdit fòto : Préfecture des Pyrénées-Atlantiques

Entrades populars d'aquest blog

PAU - Libertat entà Palestina au torn ciclista

Imatge
Lo dimenge 06/09/2020, Libertat qu'organizè ua accion de solidaritat damb Palestina. Aquesta annada, l'equipa d'Israel que participa au torn ciclista franchimand. Pr'amor d'aquò, l'organizacion independentista e socialista d'Occitània qu'amiè duas accions de solidaritat damb aquesta nacion aucupada. Que pintrè messatges de solidaritat suu sòu de las carrèras corrudas peus ciclistas e qu'estó presenta lo dia de l'etapa a Pau, baish un dispositiu de susvelhança - malhurosament - abituau. Tanben que denonciè l'assassinat deu presoner politic basco Igor González Sola per la politica carcerau espanhou. En fin, qu'arreivindiquè la lenga d'Òc pertot.
Més informació

PAÏSOS CATALANS - Pablo Hasél qu'estó detienut uei matin

Imatge
"Qu'avó un hòrt movement de sosteng, aquestes dias."     Los Mossos d'Esquadra que detienón lo rapaire comunista catalan Pablo Hasél, uei matin a l'Universitat de Lleida (PPCC). Qu'i èra embarrat entà "non pas facilitar" la soa detencion. Qu'avèva estat condemnat a 2 ans e 9 mes de preson per "apologia deu terrorisme" e "injúrias a la corona".     Aus Països Catalans, mes tanben a d'autas nacions - com Euskal Herria - qu'avó un hòrt movement de sosteng, aquestes dias, damb mantua manifestacion. Aulhors suu Internet : Vilaweb , El Nacional .
Més informació

MONTANÈR — Ua peticion contra la privatizacion deu castèth

Imatge
     Ciutadan·a·s deu Montanerés que's mobilizan contra lo perilh de privatizacion de la sèrra deu castèth.      "Ciutadans deu Montanerés e deus entorns" que hiquèn en linha ua peticion  (en francés) contra "l'integracion d'un prestatari privat entà la gestion deu castèth de Montanèr". Lo collectiu qu'averteish suu perilh qu'aquesta decision deu Conselh Departamentau "hiqui en question lo dret d'accès au lòc".      En la peticion, en mei de brembar las multiples utilizacions d'aqueth lòc ("eveniments culturaus, esportius e conviviaus"), qu'exprimeishen la lor incomprehencion de cap ad aquesta decision – presa en "l'abséncia d'informacion e de concertacion", e que demandan "l'arretirada deu projècte de Delegacion de Servici Public e l'engatjament d'un projècte damb lo territòri".     La peticion qu'ei dejà passada davant las 500 signaturas.
Més informació