PAU - Que sostenguen lo Carnaval Biarnés

Ger a la Tor deu Borrèu (Hedàs, Pau), que's debanava ua serada de sosteng entau Carnaval Biarnés.


"Carnaval qu'ei arribat" au locau paulin de la Tor deu Borrèu. Lo 20/12/2019 passat, més d'un cinquantenat de personas qu'i assistín a la serada co-organizada per l'organizacion Libertat e l'associacion Carnaval Pantalonada. Aquèra serada qu'èra destinada tà participar au finançament deu Carnaval Biarnés, qui's devanarà deu 20/02/2020 dinc au 23/02/2020 au barri paulin deu Hedàs.

Las activitats que comencèn damb ua discutida - animada per la co-presidenta de Carnaval Pantalonada, Nadège Pehau - suu tèma deus personatges de la mitologia carnavalenca e la lor istòria, seguida d'ua serada hestiva damb musica e cantèras. Tota la serada, que's podèva espiar ua mustra d'ancianas fòtos deu Carnaval Biarnés e participar tanben a ua tombòla damb presents auherits peus Carnaval, Braceria Bearnesa e Libertat.

"Las activitats que comencèn damb ua discutida [...] suu tèma deus personatges de la mitologia carnavalenca e la lor istòria."

Entrades populars d'aquest blog

PAU - Estat de sièti entau G5 Sahèl

Imatge
Lo 13/01/20, lo barri deu Castèth que sofrirà d'un estat de sièti pr'amor deu G5 Sahèl. La Prefectura de Pau que comuniquè ger lo " perimètre de seguretat " entau G5 Sahèl, on serà present lo E. Macron. Aquesta que hasó publicas - per un comunicat suu son site oficiau - "totas las disposicions necessàrias a la preservacion de l'òrdi public [...] entà garantir ua seguretat optimau tant entà las delegacions hòravengudas, lxs jornalistas e lxs demorairxs de Pau." Més concretament, lo barri paulin deu Castèth que serà baish estat de sièti lo diluns 13 de genèr de 2020, a comptar de 12:00 dinc a 00:00. Duas zònas de contròle Ua "zòna arroja d'entrada arreservada" que serà botada de 12:00 a 00:00 aus abòrds deu Castèth e deu Parlament de Navarra. Qu'i poiràn entrar a pè, e damb un justificatiu, sonque lxs demorairxs, tribalhairxs de la zòna, jornalistas acreditats·das e sòcixs de las delegacions oficiaus. Los autos que seràn proscrivuts
Més informació

PAU - Libertat entà Palestina au torn ciclista

Imatge
Lo dimenge 06/09/2020, Libertat qu'organizè ua accion de solidaritat damb Palestina. Aquesta annada, l'equipa d'Israel que participa au torn ciclista franchimand. Pr'amor d'aquò, l'organizacion independentista e socialista d'Occitània qu'amiè duas accions de solidaritat damb aquesta nacion aucupada. Que pintrè messatges de solidaritat suu sòu de las carrèras corrudas peus ciclistas e qu'estó presenta lo dia de l'etapa a Pau, baish un dispositiu de susvelhança - malhurosament - abituau. Tanben que denonciè l'assassinat deu presoner politic basco Igor González Sola per la politica carcerau espanhou. En fin, qu'arreivindiquè la lenga d'Òc pertot.
Més informació

Occitània Arroja — Navèth site

De cap a l'interdiccion peu grop Facebook (adara Meta) de tot ligam provenguent d'aqueste site a comptar de genèr 2019, que'ns calè trobar ua solucion entà contunhar de partatjar los nòstes articles. Que contunhèm publicar suus dus sites mes, pòc a pòc, que semblè evident que ne serviva pas entad arren de manténguer aqueste doblon. De mei, lo navèth supòrt qu'ei mei modèrne, mei personalizader, etc. De hèit, que deishèm de publicar ací mes shens jamèi har nada anoncia oficiau. Lavetz, damb aqueste (darrèr?) article, qu'ac hèm. Be'vs convidam donc ad anar suu navèth site entà contunhar de seguir las nòstas (pòcas) publicacions! ↓ clicar ací devath↓ →  LO NAVÈTH SITE  ← ↑ te l'as mancat, que't cau clicar ací dessus ↑
Més informació