Lo Facebook que blòca Occitània Arroja

Lo hialat sociau Facebook que considèra que Occitània Arroja n'arrespècta pas los estandards de la comunitat.

Lo dia-madeish de la publicacion deu video sus las hèitas escadudas au cors de la venguda deu Macron a Pau, lo Facebook que suprimí lo ligader de l'article d'aqueste site. Péger, ara n'ei pas més possible de partatjar cap URL qui contenga "http://occitaniaarroja.blogspot.com". Mentre tot aquò, la premsa dependenta deus grans grops capitalistas n'a pas nat problèma damb lo hialat sociau, maugrat los sons analisis - hèra pròpis - de l'informacion.


Entrades populars d'aquest blog

PAU - Carnaval per las carrèras e a la tele [VIDEO]

Imatge
     Pr'amor de l'abséncia deu Carnaval com ac coneishem cada an - devuda a la pandemia deu COVID19 - irreductibles occitan·a·s que celebrèn un carnaval sauvatge e improvisat a Pau, lo dissabte 20 de heurèr 2021 passat. Après quauques danças davant las Halas e un passa-carrèra dinc au Tribunau, que's debanè lo procès deu Sent Pançard e la soa cremacion, dens un ambient hestiu e shens nat problèma damb las fòrças de policia.     Mentre tot aquò, l'associacion Carnaval Pantalonada ne demorava pas shens activitat. Qu'a preparat damb ÒCtele ua emission en dirècte, qui's debanarà doman, dissabte 20 de març 2021 a comptar de 19:30. Après mei d'un an de regne shens partatge deu sinistre Quarèsma, Sent Pançard e s'escaderà a tornar préner lo son tròne ?      Entà non pas mancar lo dirècte : → lo Carnaval Biarnés suu Facebook → ÒCtele suu Facebook
Més informació

PAÏSOS CATALANS - Pablo Hasél qu'estó detienut uei matin

Imatge
"Qu'avó un hòrt movement de sosteng, aquestes dias."     Los Mossos d'Esquadra que detienón lo rapaire comunista catalan Pablo Hasél, uei matin a l'Universitat de Lleida (PPCC). Qu'i èra embarrat entà "non pas facilitar" la soa detencion. Qu'avèva estat condemnat a 2 ans e 9 mes de preson per "apologia deu terrorisme" e "injúrias a la corona".     Aus Països Catalans, mes tanben a d'autas nacions - com Euskal Herria - qu'avó un hòrt movement de sosteng, aquestes dias, damb mantua manifestacion. Aulhors suu Internet : Vilaweb , El Nacional .
Més informació

PAU — Manifestacion de sosteng au pòble palestinian

Imatge
      Lo dissabte passat, mei d'un centenat de personas que desfilèn peras carrèras paulinas en sosteng au pòble palestinian.     Ua setmana après lo lor purmèr acamp, militantas e militants solidaris damb lo pòble palestinian que s'amassèn un còp de mei davant la Prefectura de Pau aqueth dissabte 22 de mai 2021. Après presas de paraula au micro que desfilèn per las carrèras, dinc au Tribunau en passant peu Baloard deus Pirenèus e la Plaça Gramont.      Las e los manifestants (Associacion França-Palestina Solidaritat, Bloco Nacionalista Galego, Confederacion Generau deu Tribalh, Joentut Comunista, Libertat, Partit Comunista deus Obrèrs de França, e individus) que condemnèn las tuadèras, que s'arregaudín deu cessatz lo huec e qu'exprimín lo lor sosteng au pòble palestinian, qui paguè lo tribut mei pesant au conflicte. Presas de paraula davant la Prefectura. Suu Baloard deus Pirenèus. Au costat de la Glèisa Sent-Martin. Plaça Gramont. Fin de la...
Més informació