PAU - Un militant jutjat per otratge e get de projectiles sus la polícia

    Uei que's debanava au tribunau de Pau lo jutjament deu Alan Esberit-Devath, militant de Libertat. Qu'èra acusat d'otratge e get de projectiles de cap a la polícia, dens l'encastre de la manifestacion deus gilets gròcs deu 12/01/2019.

Davant lo tribunau. Crèdit fòto Occitània Arroja.

    Convocat a 13:30, lo Alan que podó entrar au tribunau mei d'ua òra après. Dehòra, qu'èra sostengut per 40 a 50 personas, quauques uas damb bandèras politicas (Libertat, PCOF, PCF) o sindicalas (CGT). Ua bandaròla signada per la soa organizacion que declarava : "Arrepression juridica-policièra : que n'i a pro ! Arresisténcia e solidaritat !"

    Après un procès de mei d'ua òra - de la quau 30 minutas d'arrequisicion de la procuraire - lo Alan que sortiva libre deu tribunau. "Lo jutjament qu'ei en deliberat dinc au 5 de genèr", qu'informè l'avocata Maripierre Masson dit Lavaquèra, davant las gents qui demoravan presentas despuish de la debutida deu vrèspe. "N'i a pas nada pròva au dossièr, sonque dus testimònis [deu comandant de policía e deu son conductor, ndla] qui ne disen pas tostemps la madeisha causa". "Qu'i a hèra de causas mauclaras, d'arreferéncias a ancianas manifestacions, de gents qui n'an pas vist arren, de videos qui ne balhan pas nada pròva..."

    Un jutjament "hèra politizat"

Après un procès de mei d'ua òra, lo Alan que sortiva libre.
Crèdit fòto Occitània Arroja.

    En acusar lo Alan d'aver insultat lo comandant e lo son conductor de "nazis" e de "vailètas de l'Estat", mes tanben d'aver getat projectiles de cap a eths, la procuraire que demandè 3 mes de preson damb subersediment probatòri de 18 mes e 80 òras de tribalh d'interès generau (TIG). "Segon ditz la procuraire, n'ei pas possible de'u eslargar pr'amor que significaré que los policièrs avossin mentit. E aquò n'ei pas possible entad era. Qu'ei hèra politizat. N'i a pas pro d'elements a carga", que declarè l'avocata.

    Damb 70 ans, lo Alan qu'anoncè qu'arrefusaré de har los TIG, quan i seré condemnat. Segon estimava M. Masson dit Lavaquèra : "au miélher, que podem esperar ua eslarga ; en estar pessimista, un subersediment simple".

    Aulhors suu internet : Sud-Ouest 11/11/2020, Fr3 Pau Sud Aquitaine 10/11/2020.

Entrades populars d'aquest blog

PAU - Libertat entà Palestina au torn ciclista

Imatge
Lo dimenge 06/09/2020, Libertat qu'organizè ua accion de solidaritat damb Palestina. Aquesta annada, l'equipa d'Israel que participa au torn ciclista franchimand. Pr'amor d'aquò, l'organizacion independentista e socialista d'Occitània qu'amiè duas accions de solidaritat damb aquesta nacion aucupada. Que pintrè messatges de solidaritat suu sòu de las carrèras corrudas peus ciclistas e qu'estó presenta lo dia de l'etapa a Pau, baish un dispositiu de susvelhança - malhurosament - abituau. Tanben que denonciè l'assassinat deu presoner politic basco Igor González Sola per la politica carcerau espanhou. En fin, qu'arreivindiquè la lenga d'Òc pertot.
Més informació

PAÏSOS CATALANS - Pablo Hasél qu'estó detienut uei matin

Imatge
"Qu'avó un hòrt movement de sosteng, aquestes dias."     Los Mossos d'Esquadra que detienón lo rapaire comunista catalan Pablo Hasél, uei matin a l'Universitat de Lleida (PPCC). Qu'i èra embarrat entà "non pas facilitar" la soa detencion. Qu'avèva estat condemnat a 2 ans e 9 mes de preson per "apologia deu terrorisme" e "injúrias a la corona".     Aus Països Catalans, mes tanben a d'autas nacions - com Euskal Herria - qu'avó un hòrt movement de sosteng, aquestes dias, damb mantua manifestacion. Aulhors suu Internet : Vilaweb , El Nacional .
Més informació

MONTANÈR — Ua peticion contra la privatizacion deu castèth

Imatge
     Ciutadan·a·s deu Montanerés que's mobilizan contra lo perilh de privatizacion de la sèrra deu castèth.      "Ciutadans deu Montanerés e deus entorns" que hiquèn en linha ua peticion  (en francés) contra "l'integracion d'un prestatari privat entà la gestion deu castèth de Montanèr". Lo collectiu qu'averteish suu perilh qu'aquesta decision deu Conselh Departamentau "hiqui en question lo dret d'accès au lòc".      En la peticion, en mei de brembar las multiples utilizacions d'aqueth lòc ("eveniments culturaus, esportius e conviviaus"), qu'exprimeishen la lor incomprehencion de cap ad aquesta decision – presa en "l'abséncia d'informacion e de concertacion", e que demandan "l'arretirada deu projècte de Delegacion de Servici Public e l'engatjament d'un projècte damb lo territòri".     La peticion qu'ei dejà passada davant las 500 signaturas.
Més informació